वणी टाईम्स न्युज : वणी पोलीस स्टेशनचे ठाणेदार पोलीस निरीक्षक गोपाल उंबरकर यांचे वडील सुधाकर उंबरकर (75) यांचे मंगळवार सायंकाळी 4 वाजता निधन झाले. ब्रेन हॅमरेज झाल्यामुळे त्यांना नागपूर येथे खाजगी रुग्णालयात दाखल करण्यात आले होते. मात्र मंगळवार 7 ऑक्टोबर रोजी उपचारादरम्यान त्यांचे निधन झाले.
वडिलांच्या उपचारासाठी ठाणेदार उंबरकर हे नागपूरला जाऊन होते. मात्र शिवसेना (उबाठा) आंदोलनकर्त्यांच्या अटकेनंतर शहरात तणावपूर्ण परिस्थिती बघता ते तातडीने कर्तव्यावर हजर झाले होते. दुपारी 4 वाजता वडील वारल्याची माहिती मिळताच ठाणेदार उंबरकर हे परत नागपूरला निघून गेले. सुधाकर उंबरकर यांचे पार्थिव त्यांचे मुळगाव लोणार येथे नेण्यात आले. तेथे आज त्यांच्यावर अंत्यसंस्कार करण्यात येणार आहे.
वणी टाईम्स न्युज तर्फे स्व. सुधाकर उंबरकर यांना भावपूर्ण श्रद्धांजली..💐
