विरोधकांचे डोळ्याचे पारणे फेडले; भाजपच्या रॅलीत लोटला जनसागर

वणी टाईम्स न्युज: नगर परिषद निवडणुकीच्या अनुषंगाने भारतीय जनता पक्षातर्फे शनिवारी आयोजित भव्य रैली बघून विरोधकांचे डोळ्याचे पारणे फेडले. या रॅलीमध्ये हजारोंच्या संख्येने जनसागर उसळला होता. येथील शासकीय मैदान येथून निघालेल्या रॅलीचा शहरातील छत्रपती शिवाजी महाराज चौक, खातीचौक, गांधीचौक, गाडगेबाबा चौक, जत्रा रोड, सरोदय चौक, टागोर चौक, आंबेडकर चौक असताना परत शासकीय मैदान येथे समारोप झाला.

यावेळी शासकीय मैदान येथे आयोजित भव्य जाहीर सभेला राज्याचे महसूल मंत्री चंद्रशेखर बावनकुळे, आदिवासी विकास मंत्री अशोक उईके, माजी आमदार संजीवरेड्डी बोदकुरवार, माजी जिल्हाध्यक्ष तारेंद्र बोर्डे, भाजप जिल्हा उपाध्यक्ष रवी बेलुरकर, भाजपचे कामगार नेते विजय पिदुरकर यांनी संबोधित केले. जाहीर सभेत मान्यवरांसह नगराध्यक्ष पदाच्या उमेदवार विद्या खेमराज आत्राम तसेच नगरसेवक पदाचे सर्व 29 उमेदवार मंचावर उपस्थित होते.

जाहीर सभेत भाषण करताना महसूल मंत्री चंद्रशेखर बावनकुळे यांनी –

• वणीच्या विकासासाठी निधीची कमतरता पडू देणार नसल्याचे वचन 

• लाडकी बहीण योजनले आणखी मजबूत करण्याचा संकल्प

• वणीतील 100 महिला बचत गटांना 1 लाख रुपये अनुदान देण्याची घोषणा

• शेतकऱ्याचे 27 हजार कोटीची कर्जमाफी

• गरीब शेतकऱ्यांचे कर्ज माफ

• 15 ऑक्टोबर 2024 पूर्वीच्या सर्व जमीन मालकांना प्रॉपर्टी कार्ड देऊन अधिकृत करण्यात येईल.

• शासकीय जागेवर राहणाऱ्या रहिवाश्यांना पट्टे देण्याचा निर्णय

• 40 वर्षापासून झुडपी जंगल जागेवर बसलेल्या नागरिकांना पट्टे वितरण

• शेतात जाणारे सर्व पांदण रस्ते बांधण्याचा निर्णय 

• विद्यार्थांना लागणारे सर प्रकारच्या डॉक्युमेंट्स वर स्टॅम्प पेपरची बाध्यता समाप्त

• महसूल खात्याकडून वणी शहराचा ड्रॉनद्वारे सर्वेक्षण व मोजणी करण्यात येणार असल्याची घोषणा केली.

धीरज भोयर यांनी केले भाजपमध्ये प्रवेश 

विशेष म्हणजे यावेळी प्रभाग क्रमांक 4 मधून अपक्ष उमेदवार म्हणून आपले नामनिर्देशन पत्र परत घेणारे धीरज भोयर तसेच महाराष्ट्र नवनिर्माण सेनेचे शहर उपाध्यक्ष मयूर गेडाम यांनी भारतीय जनता पक्षामध्ये प्रवेश केले. महसूल मंत्री चंद्रशेखर बावनकुळे यांच्या हस्ते धीरज भोयर व मयूर गेडाम यांना भाजपचा दुपट्टा घालून रीतसर प्रवेश देण्यात आले. धीरज भोयर यांचा प्रभाग 4 मध्ये चांगला प्रभुत्व असून त्यांच्या प्रवेशाने भाजपा उमेदवाराच्या विजयाचा मार्ग सुकर झाला आहे.

आजच्या भव्य रॅली व जाहीर सभेत भारतीय जनता पार्टीचे माजी आमदार संजीवरेड्डी बोदकुरवार, माजी जिल्हाध्यक्ष तारेंद्र बोर्डे, शेतकरी नेते दिनकरराव पावडे, कामगार नेते विजय पिदुरकर, शहर अध्यक्ष ऍड निलेश चौधरी, जिल्हा उपाध्यक्ष संजय पिंपळशेंडे, रवी बेलुरकर, अंकुश बोडे, गजानन विधाते, प्रा. महादेव खाडे, प्रदीप जेऊरकर, मीरा पोतराजे, अविनाश लांबट, नगराध्यक्ष पदाच्या उमेदवार विद्या खेमराज आत्राम तसेच भाजपचे पदाधिकारी, नगरसेवक पदाचे उमेदवार उपस्थित होते.