वणी टाईम्स न्युज: येथील शिवसेना (शिंदे) पक्षाचे नेते विजय पारसमल चोरडिया यांची प्रभारी जिल्हा संघटक पदावर नियुक्ती करण्यात आली आहे. ही नियुक्ती पुढील एका वर्षासाठी असून यवतमाळ, वणी व राळेगाव विधानसभाचा प्रभार विजय चोरडिया यांना देण्यात आला आहे.
शिवसेना (शिंदे) पक्ष प्रमुख व उप मुख्यमंत्री एकनाथ शिंदे यांच्या आदेशाने व शिवसेना सचिव संजय पुष्पलता भाऊराव मोरे यांच्या स्वाक्षरीने दिनांक 3 नोव्हेंबर रोजी नियुक्ती पत्र निर्गमित करण्यात आला. त्यांच्या नियुक्ती बाबत विजय चोरडिया यांनी उप मुख्यमंत्री एकनाथ शिंदे, पालकमंत्री संजय राठोड, माजी आमदार विश्वास नांदेकर व विनोद मोहितकर यांचे आभार मानले आहे.
हिंदुहृदयसम्राट शिवसेनाप्रमुख बाळासाहेब ठाकरे यांचा हिंदुत्वाचा विचार आणि धर्मवीर आनंद दिघे यांची शिकवण याचा आपण सक्रीयपणे प्रचार आणि प्रसार कराल तसेच शिवसेना पक्ष वाढीसाठी आपण सर्वांना सोबत घेऊन कार्य कराल. असे नियुक्ती पत्रात नमूद करण्यात आले आहे.
