वणी टाईम्स न्युज : वणी नगर परिषद निवडणुकीत भारतीय जनता पक्षाच्या उमेदवारांना दृश्यमान अशी आघाडी मिळाली आहे. निवडणूक प्रचाराचे शेवटचे काही क्षण उरले आहे. भाजपचे ज्येष्ठ नेते माजी आमदार संजीवरेड्डी बोरकुरवार आणि माजी नगराध्यक्ष तारेंद्र बोर्डे यांनी उमेदवारांच्या समर्थनार्थ सर्व 14 प्रभागामध्ये दौरे करत भाजपच्या कार्यकाळात करण्यात आलेले विकास कामांचा लेखाजोखा मतदारांसमोर मांडला.
गेल्या कार्यकाळात शहराच्या पायाभूत सुविधांमध्ये मोठा बदल घडवून आणण्यात दोन्ही नेत्यांचा मोलाचा वाटा राहिला आहे. रस्ते डांबरीकरण, अंडरग्राऊंड ड्रेनेज, पेयजल पाइपलाइनचे आधुनिकीकरण, स्ट्रीट लाईट व्यवस्था, स्वच्छता अभियान, उद्यानांचे संवर्धन, तसेच विजेच्या सुविधांची सुधारणा या अनेक प्रकल्पांना गती भाजपच्या कार्यकाळात मिळाली. शहरातील रखडलेली विविध विकास कामे मंजूर करणे व निधी उपलब्ध करून देण्यातही या वरिष्ठ नेत्यांनी पुढाकार घेतला.
संजीवरेड्डी बोरकुरवार यांनी ग्रामीण-शहरी संपर्क वाढवणे, प्रमुख मार्गांचे रुंदीकरण आणि शहरातील आंतरिक रस्त्यांवर भर दिला. तर तारेंद्र बोर्डे यांच्या नगराध्यक्ष पदाच्या कार्यकाळात शहरात स्वच्छता उपक्रम, रस्ते प्रकाशयोजना, नागरिक सुविधा केंद्रांचे उन्नयन आणि सार्वजनिक जागांची देखभाल यात उल्लेखनीय सुधारणा झाली. वणी ते यवतमाळ मार्ग तसेच वणी नागपूर मार्गावर रेल्वे उड्डाण पुलाचे काम सुरु आहे. 140 कोटी रुपयांची अमृत जल योजनेचे माध्यमातून नागरिकांना शुद्व पिण्याचे पाणी उपलब्ध होणार आहे.
प्रचारादरम्यान नागरिक मोठ्या प्रमाणात भाजप उमेदवारांना प्रतिसाद देत असून गेल्या काही वर्षांत झालेले विकासकाम पाहता आगामी काळातही हीच गती कायम राहील, असे मतदारांचे म्हणणे आहे. भाजपकडून दावा करण्यात येत आहे की, वणी नगर परिषदेला सक्षम, पारदर्शक आणि विकासाभिमुख प्रशासन देण्यासाठी पक्षाचे उमेदवारच योग्य पर्याय आहेत. त्यामुळे शहराच्या सर्वांगीण विकासासाठी भाजप उमेदवारांना भरघोस मतांनी विजयी करण्याचे आवाहन माजी आमदार संजीवरेड्डी बोदकुरवार यांनी केले आहे.
