वणी टाईम्स न्युज : वणी विधानसभेचे माजी आमदार आणि शिवसेना (शिंदे) गटाचे यवतमाळ जिल्हा प्रमुख विश्वासभाऊ नांदेकर यांचे रविवारी मध्यरात्री 11.05 मिनिटांनी निधन झाले. मागील अनेक दिवसांपासून ते आजारी होते. त्यांच्यावर मुंबई येथील लीलावती रुग्णालयात उपचार सुरू असताना रविवारी मधरात्री त्यांची प्राणज्योत मावळली.
धडाडीचे नेते म्हणून ओळख असलेले विश्वास रामचंद्र नादेकर यांनी 2004 ते 2009 या काळात वणी विधानसभेचे नेतृत्व केले. जनतेसाठी सदैव झटणारे, कर्तव्यनिष्ठ व संवेदनशील राजकारणी म्हणून ते जनतेत लोकप्रिय होते. त्यांचे अचानक जाण्याने वणी विधानसभा राजकीय क्षेत्रात पोकळी निर्माण झाली आहे.
त्यांचे पार्थिवदेह सोमवारी वणी येथे आणण्यात येणार असल्याची माहिती आहे. याबाबत अधिक माहिती मिळताच बातमी अपडेट केली जाईल.
दिवंगत विश्वासभाऊ नांदेकर यांना वणी टाईम्स न्युज तर्फे भावपूर्ण श्रद्धांजली…🙏
