वणी टाईम्स न्युज : शिरपूर पोलीस स्टेशन अंतर्गत बेलोरा येथे पैनगंगा नदीच्या पुलावरून कोळसा वाहतूक करणारा ट्रक थेट नदीत कोसळला. हा भीषण अपघात शुक्रवार 1 ऑगस्ट रोजी सकाळी 10 वाजता दरम्यान घडला. या अपघातात ट्रकच्या केबिनचा अक्षरश चुराडा झाला. ट्रक चालक केबिन मध्येच फसला असून त्याला बाहेर काढण्याचे प्रयत्न सुरू आहे.
प्राप्त माहितीनुसार कोळसा वाहतूक करणारा ट्रक क्रमांक MH34 BZ1402 हा घुग्गुस कडे जात होता. दरम्यान पुलावर ट्रक चालकाचे नियंत्रण सुटून ट्रक थेट नदी पात्रात कोसळला. मिळालेल्या माहितीनुसार ट्रक चालक गंभीर जखमी झाला असून कटरच्या सहाय्याने केबिन कापून त्याला बाहेर काढण्याचा प्रयत्न सुरू आहे. घटनेची माहिती मिळताच शिरपूर पोलीस घटनास्थळी पोहचले. अपघात बघण्यासाठी पुलावर व नदी पात्रात मोठ्या संख्येने नागरिक जमा झाले.
