वणी टाईम्स न्युज: मुकुटबन येथील सिमेंट कारखान्यातून सिमेंट भरुन वणीच्या दिशेने येणारा सिमेंटचा बल्कर कायर गावाचे समोर सैदाबाद फाट्याजवळ पलटी झाला. या घटनेमुळे वणी कायर मुकुटबन मार्गावर मागील 7 तासांपासून वाहतूक ठप्प झाली आहे. शनिवारी सकाळी 8.30 घडलेल्या अपघाताची माहिती मिळताच शिरपूर पोलीस व वाहतूक नियंत्रण शाखेचे अधिकारी कर्मचारी घटनास्थळी पोहोचले. पलटी झालेल्या ट्रकला बाजूला करून वाहतूक सुरळीत करण्याचे शर्थीचे प्रयत्न सुरू आहेत.
रस्त्यावरील एका गाईला वाचविण्याचा प्रयत्नात RJ57 GA0195 क्रमांकाचे सिमेंट ट्रक चालकाचा गाडीवरून नियंत्रण सुटून हा अपघात झाल्याचे प्रत्यक्षदर्शीयांचे म्हणणे आहे. सुदैवाने या अपघातात कोणतीही जीवित हानी झाली नाही. बातमी लिहे पर्यंत वणी कायर मार्गावर वाहतूक सुरु झाली नव्हती. अपघातग्रस्त ट्रक बाजूला करुन रस्ता वाहतुकीसाठी मोकळा करण्याचे प्रयत्न सुरू आहे.
सकाळी घडलेल्या या अपघातामुळे या मार्गावर दोन्ही बाजूला वाहनाची रांगा लागल्या. तर दुकानदार, विद्यार्थी, कर्मचारी व इतर महत्त्वाचे कामासाठी निघालेल्या नागरिकांना साखरा,रासा, घोंसा व इतर पर्यायी मार्गाने गंतव्यावर जावं लागत आहे. सिमेंटच्या बल्करमध्ये तब्बल 45 टन सिमेंट असल्याने हेवी क्रेन बोलाविण्यात आली आहे.
