वणी टाईम्स न्युज : आगामी निवडणुकीच्या पार्श्वभूमीवर प्रभाग क्रमांक 1 मध्ये भारतीय जनता पक्षाने प्रचाराची गती अधिक वाढवली आहे. नगराध्यक्ष व भाजप उमेदवाराच्या प्रचारार्थ सोमवारी सकाळी 10 ते रात्री 8 वाजेपर्यंत भाजपचे माजी आमदार संजीवरेड्डी बोदकुरवार यांची प्रभाग मध्ये घरोघरी संपर्क मोहीम राबवत भाजप उमेदवारांना विजयी करण्याचे आवाहन केले. नागरिकांनीही या संपर्क मोहिमेला सकारात्मक प्रतिसाद देत, साहेब तुमच्या कार्यकाळात आम्हाला सिमेंट रस्ते, बगीचे, ड्रेनेज व पिण्याचा पाणी मिळालं. आम्ही सदैव तुमच्या सोबत, अशी ग्वाही दिली. बँक कॉलनीतील हनुमान मंदिरात नारळ फोडून प्रभाग 1 मध्ये प्रचाराची सुरुवात करण्यात आली.
प्रभाग क्रमांक 1 चे भाजपचे उमेदवार उमाकांत उर्फ बालू जोगी आणि मीनाक्षी शैलेश जूनघरे हे आपल्या प्रभागात घराघरातून फिरत मतदारांशी प्रत्यक्ष संवाद साधत आहेत. उमेदवारांनी प्रभागातील विविध वस्तींत जाऊन महिलांशी संवाद, ज्येष्ठांची भेट, युवकांच्या अपेक्षा जाणून घेतल्या. यावेळी नागरिकांनी भाजपच्या कार्यकाळात शहरात रस्ते, नाल्या, सौंदर्यीकरण, पाणी पुरवठ्याचे काम झाल्याबद्दल आभार मानून लक्षणीय बदल घडवून आणण्याचा निर्धार व्यक्त केला.
भाजपच्या स्थानिक संघटनेने ‘विकासासाठी प्रभाग क्रमांक 1 तयार’या संदेशासह सशक्त संपर्क मोहीम राबवण्याचे नियोजन केले आहे. उमाकांत उर्फ बालू जोगी आणि मीनाक्षी शैलेश जूनघरे यांनी प्रभागातील बँक कॉलनी, रवीनगर, गुलमोहर पार्क, आयटीआय कॉलनी, नांदेपेरा रोड, चट्टे ले आऊट, विद्यानगरी, विठ्ठलवाडी, रेल्वे स्टेशन या भागातील प्रत्येक कुटुंबाशी थेट संवाद साधून आगामी पाच वर्षांसाठी विकासाचा ठोस आराखडा स्पष्ट केला.
सोमवारी प्रचार रॅलीमध्ये संजीवरेड्डी बोदकुरवार यांच्यासह शहर अध्यक्ष ऍड निलेश चौधरी, जिल्हा सचिव संतोष डंभारे, जिल्हा युवा मोर्चा सचिव श्रेयस हरणे, प्रभाग प्रभारी हितेन अटारा, नगराध्यक्ष पदाच्या उमेदवार सौ. विद्या सचिन आत्राम, मीनाक्षी शैलेश जूनघरे (उमेदवार) उमाकांत( बालू) महादेवराव जोगी (उमेदवार), शैलेश जूनघरे, छायाताई उपलेंचवार, गणपतराव हेपट, प्रवीण क्षीरसागर, राहुल उपलेंचवार, मोनिका जोगी, माया नांदेकर, लता पाटणकर, करुणा मारोडकर, विजया भोयर, कल्पना दाढे, सुनीता सेटिया, सविता धात्रक, सुषमा दुग्गड, बरखा बाजोरिया, विद्या क्षीरसागर, नंदा शेडामे, शोभा हेपट, माही भगत सह शेकडो स्त्री पुरुष सहभागी झाले होते.
प्रभाग क्रमांक 1 मध्ये भाजपचा धुवाधार प्रचार सुरू असल्याने विरोधकांमध्येही हालचाल वाढली आहे. पुढील काही दिवसांत प्रचार आणखी गतिमान होणार असून वरिष्ठ नेते प्रभागातील सभांना उपस्थित राहण्याची शक्यता आहे. प्रत्येक मोहल्ल्यात कॉर्नर मिटिंगच्या माध्यमातूनही मतदारांची भेटीचा उपक्रम राबविण्यात येणार आहे.
