वणी टाईम्स न्युज: मुकुटबन येथील जय बजरंग शिक्षण संस्थेचे मानद सचिव व शिक्षक गणेश वसंतराव उदकवार (44) यांचे सोमवारी दुपारी 2 वाजता दुःखद निधन झाले. मागील काही दिवसांपासून त्यांची तब्येत बरी नव्हती. त्यामुळे त्यांच्यावर नागपूर येथील एका खाजगी रुग्णालयात उपचार सुरु होते. तब्येतीत सुधारणा झाल्यामुळे मंगळवारी त्यांना दवाखान्यातून डिस्चार्ज करण्यात येणार होते. मात्र तत्पूर्वी सोमवारी दुपारी 2 वाजता दरम्यान त्यांना तीव्र हार्टअटॅक येऊन त्यांचा मृत्यू झाला.
गणेश उदकवार हे वरिष्ठ काँग्रेस नेते व जय बजरंग शिक्षण संस्थेचे अध्यक्ष स्व. वसंतराव उदकवार यांचे मोठे चिरंजीव होते. त्यांच्या मागे पत्नी, दोन मुली, भाऊ, भाऊसून व आप्त कुटुंबीय आहे. त्यांच्या पार्थिवावर मंगळवार 18 नोव्हेंबर रोजी सकाळी मुकुटबन येथील मोक्षधाम येथे अंत्यसंस्कार करण्यात येणार आहे.
वणी टाईम्स तर्फे स्व. गणेश उदकवार यांना भावपूर्ण श्रद्धांजली.. 🙏
