वणी टाईम्स न्युज: महाराष्ट्र राज्याचे लाडके उपमुख्यमंत्री दिवंगत अजितदादा पवार यांना श्रद्धांजली अर्पण करण्यासाठी वणी शहरात आज सर्वपक्षीय श्रद्धांजली कार्यक्रमाचे आयोजन करण्यात आले आहे. बुधवारी बारामती येथे झालेल्या विमान अपघातात उप मुख्यमंत्री अजित पवार यांचे दुःखद निधन झाले होते.
दिनांक २९ जानेवारी २०२६, गुरुवार रोजी सायंकाळी ६.०० वाजता वणी येथील छत्रपती शिवाजी महाराज चौक येथे हा श्रद्धांजली कार्यक्रम पार पडणार आहे. या कार्यक्रमास सर्व राजकीय पक्षांचे पदाधिकारी व कार्यकर्ते, तसेच सामाजिक, राजकीय व विविध क्षेत्रातील मान्यवरांची उपस्थिती राहणार आहे.
या पार्श्वभूमीवर वणी शहरातील सर्व नागरिकांनी तसेच सर्व राजकीय पक्षांचे पदाधिकारी व कार्यकर्त्यांनी मोठ्या संख्येने उपस्थित राहून दिवंगत नेत्यास श्रद्धांजली अर्पण करावी, असे आवाहन करण्यात आले आहे.
हा श्रद्धांजली कार्यक्रम सर्वपक्षीय ऐक्याचे प्रतीक ठरणार असून, दिवंगत अजितदादा पवार यांच्या स्मृतीस अभिवादन करण्यासाठी वणीकर नागरिकांनी उपस्थित राहावे, अशी नम्र विनंती आयोजकांच्या वतीने करण्यात आली आहे.
