जितेंद्र कोठारी, वणी : एका आलिशान दुमजली घरात बनावट देशी दारूचा कारखाना सुरु असल्याची धक्कादायक घटना वणी शहरालगत लालगुडा परिसरात उघडकीस आली आहे. राज्य उत्पादन शुल्क विभागाच्या पथकाने टाकलेल्या धाडीत घरातून मोठ्या प्रमाणात तयार झालेल्या देशी दारूच्या बाटल्या व दारू बनविण्याचे साहित्य पथकाने जप्त केले. अलीकडेच अवैध व नकली दारु विरोधात राज्य उत्पादन शुल्क विभागाची ही सर्वात मोठी कारवाई असल्याचे सांगण्यात येते.
प्राप्त माहितीनुसार उत्पादन शुल्क अधिकाऱ्यांना मिळालेल्या गोपनीय माहितीवरून त्यांनी बुधवार 25 फेब्रुवारी रोजी दुपारी लालगुडा गावातील स्मशान भूमिजवळील एका दुमजली घरावर धाड टाकली. त्यावेळी पथकाला घरातील लाकडी दिवाण व आलमारी मधून रूपेश संत्रा ब्रँडचे नकली स्टिकर लावलेल्या देशी दारूच्या 90 मिली च्या तब्बल प्लास्टिकच्या 36 पिशवीत भरलेल्या 3600 निप किंमत तब्बल 1 लाख 62 हजार आढळले. शिवाय घराला लागून असलेल्या एका टिनाच्या शेडमधून रिकाम्या बाटल्या, झाकण, काचेच्या बॉटल, प्लास्टिक ड्रम, दोन बाईक एक मोपेडसह 2 लाख 73 हजाराचा मुद्देमाल जप्त केला.
ब्रेकिंग न्यूज: महाजेनको के लिए भेजा जा रहा उच्च दर्जे का कोयला बीच रास्ते गायब!
उत्पाद शुल्क अधिकाऱ्यांनी घरात लाकडी दिवाण मध्ये लपून बसलेल्या एका युवकाला अटक करून विचारपूस केली असता सदर नकली दारूचा कारखाना हा श्याम भरत मेश्राम यांचा असल्याचे सांगितले. अटक करण्यात आलेल्या युवकाने आपले नाव सूरज लोडे, रा. वेळाबाई असे सांगितले. तर कारखाना मालक शाम मेश्राम हा आपल्या कुटुंबासह फरार झाला.
सदर कारवाई उत्पादन शुल्क निरीक्षक पांढरकवडा पी. एस. बोढारे, भरारी पथकाचे प्रभारी निरीक्षक डी. एस. त्रिपाठी, उप निरीक्षक एस. एल. बोढेवार, एस.एम. बुटले, व भरारी पथक यवतमाळ येथील उप निरीक्षक डी डी वाळके व सहकाऱ्यांनी केली. बातमी लिहेपर्यंत पथकाची कारवाई सुरु होती.
