वणी टाईम्स न्युज | येथील युवा सामाजिक कार्यकर्ते धीरज भोयर यांची भारतीय जनता पार्टी युवा मोर्चा (भाजयुमो) यवतमाळ जिल्हा कार्यकारिणीत जिल्हा उपाध्यक्षपदी निवड करण्यात आली आहे. ही नियुक्ती भाजयुमोचे जिल्हाध्यक्ष सूरज गुप्ता यांनी जाहीर केली. युवकांना नेतृत्वाची संधी देण्याच्या पक्षाच्या धोरणानुसार भोयर यांच्या कार्याची दखल घेत ही जबाबदारी देण्यात आली आहे.
धीरज भोयर हे अनेक वर्षांपासून सामाजिक क्षेत्रात सक्रिय असून त्यांनी रक्तदान शिबिरे, आरोग्य तपासणी शिबिरे, बेरोजगार मेळावे, शिक्षण जनजागृती, दारूबंदी आंदोलन तसेच कोरोना काळातील मदतकार्य अशा विविध उपक्रमांमध्ये सहभाग घेतला आहे. नाम फाउंडेशनचे समन्वयक म्हणूनही त्यांनी ग्रामीण भागात काम केले आहे.
नियुक्तीबाबत प्रतिक्रिया देताना भोयर यांनी पक्ष नेतृत्वाने दाखवलेल्या विश्वासाबद्दल आभार व्यक्त करत पक्ष संघटन मजबूत करणे व युवकांना पक्षाशी जोडण्याचे काम प्राधान्याने करणार असल्याचे सांगितले. त्यांच्या निवडीबद्दल भाजप व भाजयुमो पदाधिकारी आणि कार्यकर्त्यांकडून अभिनंदन करण्यात येत आहे.
