वणी टाईम्स न्युज : २६ जानेवारी, प्रजासत्ताक दिनाचे औचित्य साधून येथील प्रेस वेल्फेअर असोसिएशन यांच्या वतीने आंतरशालेय समूह नृत्य स्पर्धेचे आयोजन करण्यात आले आहे. विद्यार्थ्यांच्या सुप्त कलागुणांना व्यासपीठ उपलब्ध करून देणे, हा या उपक्रमामागील प्रमुख उद्देश असल्याचे आयोजकांनी सांगितले.
ही स्पर्धा शहरातील एस.पी.एम. हायस्कूल येथील रंगमंचावर होणार असून ‘अ’ व ‘ब’ अशा दोन गटांत स्पर्धा घेण्यात येणार आहे. दोन्ही गटांतील प्रथम, द्वितीय व तृतीय क्रमांक पटकाविणाऱ्या शाळांना दिवंगत खासदार बाळू धानोरकर यांच्या स्मृतिप्रीत्यर्थ खासदार प्रतिभा बाळू धानोरकर यांच्या वतीने स्मृतिचिन्ह प्रदान करण्यात येणार आहे.
तसेच स्व. ऋषी पिदूरकर यांच्या स्मृतिप्रीत्यर्थ योगेश व आकाश पिदूरकर यांच्या वतीने उत्कृष्ट नृत्य सादरीकरणासाठी ‘बाळशास्त्री जांभेकर फिरता करंडक’ देण्यात येणार आहे. या स्पर्धेत शहरातील शाळांनी मोठ्या संख्येने सहभागी व्हावे, असे आवाहन अध्यक्ष अनिल बिलोरिया व सचिव सागर बोढे यांनी केले आहे. स्पर्धेबाबत अधिक माहितीसाठी व सहभाग नोंदणीसाठी संयोजक विनोद ताजने यांच्याशी संपर्क साधण्याचे कळविण्यात आले आहे.
