वणी टाईम्स न्युज : विविध ठिकाणाहून गहाळ झालेले 13 मोबाईल फोन वणी पोलीस सायबर विभागाने शोधून मोबाईल मालकांना परत केले. यावेळी हरवलेले मोबाईल परत मिळाल्यामुळे मोबाईल मालकांच्या चेहऱ्यावर आनंद स्पष्ट जाणवत होता. सायबर सेलमधील महिला पोलीस कर्मचारी छाया उमरे यांनी कौशल्यपूर्ण तपास करीत CEIR पोर्टलच्या माध्यमातून हरवलेले आणि गहाळ झालेले मोबाईल शोधण्यास महत्वाची कामगिरी बजावली होती.
हस्तगत केलेले सर्व 13 मोबाईल फोन गुरुवार 18 सप्टेंबर रोजी मूळ मालकांना पोलीस ठाण्यात बोलावून त्यांचे सुपूर्द करण्यात आले. सदर कार्यवाही पोलीस निरीक्षक गोपाल उंबरकर यांचे मार्गदर्शनात महिला पोलीस कॉन्स्टेबल छाया उमरे यांनी केली.
