वणी टाईम्स न्युज |
सुषगंगा पॉलिटेक्निक, वणी येथे IEDSSA H-झोन अंतर्गत पुरुष कबड्डी स्पर्धेचे ७ व ८ फेब्रुवारी २०२६ रोजी यशस्वी आयोजन करण्यात आले. दोन दिवस चाललेल्या या स्पर्धेत विभागातील एकूण १८ महाविद्यालयांच्या संघांनी उत्स्फूर्त सहभाग नोंदविला.
स्पर्धेदरम्यान खेळाडूंनी उत्कृष्ट तंत्र, संघभावना व क्रीडास्पृहाचे प्रभावी दर्शन घडविले. ८ फेब्रुवारी २०२६ रोजी झालेल्या उपांत्य व अंतिम सामन्यांमध्ये सिद्धिविनायक टेक्निकल कॅम्पस, शेगाव संघाने दमदार कामगिरी करत विजेतेपद पटकावले, तर साई पॉलिटेक्निक, किन्ही (जावडे) संघाने उपविजेतेपद मिळवले.
पारितोषिक वितरण समारंभात सुषगंगा ग्रुप ऑफ इन्स्टिट्यूट्सचे अध्यक्ष प्रदीप बोनगीरवार तसेच सुषगंगा पॉलिटेक्निक, वणीचे संचालक मोहन बोनगीरवार यांच्या हस्ते विजेता व उपविजेता संघांना प्रमाणपत्रे प्रदान करण्यात आली.
या स्पर्धेच्या यशस्वी आयोजनासाठी सुषगंगा पॉलिटेक्निक, वणीच्या माजी प्राचार्या पुष्पाराणी यांच्या मार्गदर्शनाखाली विद्यार्थी, शिक्षक व शिक्षकेतर कर्मचारी यांनी अथक परिश्रम घेतले. तसेच IEDSSA कबड्डी स्पर्धा आयोजन समितीचे सदस्य चैतन्य तुरविले व कुणाल गावंडे यांनी उत्कृष्ट नियोजन व समन्वय साधून स्पर्धा यशस्वी केली.
कार्यक्रमाच्या यशाबद्दल सर्व सहभागी संघ, आयोजक व स्वयंसेवकांचे मान्यवरांनी विशेष कौतुक केले. विद्यार्थ्यांच्या सर्वांगीण विकासात क्रीडा क्षेत्राचे महत्त्व अधोरेखित करणारी ही स्पर्धा ठरली.
