वणी टाईम्स न्युज: संत जगनाडे महाराज यांची जयंती विदर्भ तेली महासंघातर्फे शुक्रवार रोजी संत जगनाडे चौकात भावपूर्ण वातावरणात साजरी करण्यात आली. कार्यक्रमाचे अध्यक्षस्थानी महासंघाचे माजी तालुका अध्यक्ष रवी बेलुरकर होते. प्रमुख वक्ते म्हणून सामाजिक कार्यकर्ते गजानन कासावार तर प्रमुख अतिथी म्हणून तालुका अध्यक्ष संतोष डंभारे व माजी नगर परिषद उपाध्यक्ष श्रीकांत पोटदुखे उपस्थित राहिले.
कार्यक्रमाच्या प्रारंभी संत जगनाडे महाराजांच्या प्रतिमेला पुष्पहार अर्पण करून अभिवादन करण्यात आले. त्यानंतर मार्गदर्शन करताना गजानन कासावार यांनी संतांच्या जीवनकार्यावर प्रकाश टाकत समाजातील ऐक्य, प्रामाणिकता आणि सेवाभाव या मूल्यांचे महत्व अधोरेखित केले. समाजबांधवांनी संतांनी दाखवलेल्या मार्गावर चालत सामाजिक एकजूट मजबूत करावी, असे आवाहन त्यांनी केले. अध्यक्ष व उपस्थित मान्यवरांनीही यावेळी समयोचित विचार व्यक्त केले.
कार्यक्रमाचे सूत्रसंचालन व आभार प्रदर्शन शरद तराळे यांनी केले. जयंती कार्यक्रम यशस्वी करण्यासाठी विजय पिपराडे, देवेंद्र गोबाडे, शंकर पाटिल, गोपाल पाटील, पंढरी बोरपे, गजानन उपाते, विलास डवरे, आशिष डंभारे, प्रशांत निमकर, प्रणव पिंपळे, विलास निमकर, आकाश क्षीरसागर, संगिता सहारे, उमेश गंधारे, नथ्थूजी टाफरे, राहुल दांडेकर, वाघ साहेब, संकेत गंधारे, देवेंद्र डवरे यांनी परिश्रम घेतले.
