वणी टाईम्स न्युज │ आगामी नगरपरिषद निवडणुकीच्या पार्श्वभूमीवर शिवसेना बाळासाहेब ठाकरे (एकनाथ शिंदे गट) यांनी वणी नगरपरिषद निवडणूक स्वबळावर लढण्याचा अधिकृत निर्णय घेतल्याचे पक्षाने जाहीर केले आहे. पक्षाचे लोकसभा समन्वयक माजी आमदार विश्वासराव नांदेकर व शिवसेना नेते विजय चोरडिया यांनी प्रसारमाध्यमांद्वारे ही घोषणा करत पक्ष कार्यकर्त्यांमध्ये ऊर्जा संचारित केली.
राज्याचे उपमुख्यमंत्री व शिवसेना पक्षप्रमुख एकनाथ शिंदे यांच्या मार्गदर्शनाखाली हा निर्णय घेण्यात आला असून “जिथे युती शक्य आहे तिथे करा, पण स्थानिक परिस्थितीप्रमाणे न्याय मिळाला पाहिजे” असे निर्देश शिंदे यांनी दिले आहेत. वणी शहरातील मित्र पक्षांनी आम्हाला विश्वासात न घेता निवडणुकीची तयारी सुरू केल्याने शिवसेनेनेही स्वबळावर लढण्याचा धोरणात्मक निर्णय घेतला असल्याचे नेत्यांनी स्पष्ट केले.
🗳️ सर्व 29 उमेदवार रिंगणात — प्रत्येक प्रभागाचा आढावा पूर्ण
वणी शहरातील सर्व १४ प्रभागांचे सर्वेक्षण पूर्ण झाले असून नगराध्यक्षपदासह सर्व २९ नगरसेवक जागांवर उमेदवार देण्याची तयारी अंतिम टप्प्यात आहे. इच्छुक उमेदवारांना पक्ष कार्यालयात संपर्क साधण्याचे आवाहन नेत्यांनी केले आहे.
