वणी टाईम्स न्युज | मुकुटबन पोलीस स्टेशन हद्दीतील एका गावात वास्तव्यास एका अल्पवयीन मुलीला पोट दुखण्याचा त्रास होत असल्याने ती गावातील अंगणवाडी सेविकाकडे आरोग्य तपासणी साठी गेली. मात्र मुलीची वय व अवस्था बघून अंगणवाडी सेविकाचे हातपाय सुन्न पडले. मुलीच्या पोटात तब्बल 7 महिन्याचा गर्भ असल्याचे निष्पन्न झाले. त्यामुळे अंगणवाडी सेविकाने मुकुटबन पोलिसांना कळविले.
पोलिसांना माहिती मिळताच त्यांनी मुलीला ताब्यात घेऊन विचारपूस केली असता कमी वयात प्रेम प्रसंग, लग्नाचा बनाव व त्यातून वारंवार शारीरिक संबंधातून गरोदर झाल्याची कहाणी समोर आली. पीडित मुलगी अल्पवयीन व अनुसूचित जमातीची असल्या कारणाने मुकुटबन पोलिसांनी सदर प्रकरण उप विभागीय पोलीस अधिकारी कार्यालय वणी यांच्याकडे वर्ग केले.
पीडितेने दिलेल्या माहितीनुसार शालेय शिक्षण घेत असताना साखरा गावातील बादल अंनता बेलेकार या तरुणासोबत तिची ओळख झाली. ओळखीतून पुढे प्रेमसंबंध निर्माण झाले. डिसेंबर 2024 मध्ये आरोपी यांनी वणी येथील साई मंदिरात मुलीच्या गळ्यात हार टाकून लग्न केलं. त्यानंतर दोघेही विनायक नगर येथे भाड्याची खोलीमध्ये पतीपत्नी म्हणून राहायला लागले.
काही दिवसांपूर्वी मुलीच्या पोटात दुखत असल्याने ती गावातील प्राथमिक आरोग्य केंद्रात आरोग्य तपासणीसाठी गेली. मात्र तपासणी दरम्यान अल्पवयीन असल्याचे व गरोदर असल्याचे अंगणवाडी सेविकाला समजले. याबाबत अंगणवाडी सेविकाने मुकुटबन पोलिसांना कळविले. अल्पवयीन मुलीचे लग्न हे कायदेशीर मान्य नसल्याने मुकुटबन ठाणेदारांनी वरिष्ठ अधिकाऱ्यांना कळविले. त्यांनंतर गुरुवारी रात्री सदर युवकाला अटक करण्यात आली.
पोलिसांनी आरोपी युवक बादल अंनता बेलेकार(18), राह. साखरा, तालुका वणी विरुद्ध BNS कलम 64(2)(M), अ.जा.जा. अधिनियम 3(1)(w)(i), 3(2)(v), 3(अ), 4 व POCSO कायदा कलम 5(j)(ii), 5(L), 6 अंतर्गत दाखल गुन्ह्यावरून सेशन कोर्ट केळापूर येथे हजर करुन 2 दिवसाची पोलीस कोठडी मिळविली. पुढील तपास उपविभागीय पोलीस अधिकारी वणी सुरेश दळवे हे करीत आहे.
