वणी टाईम्स न्युज : वणी परिसरातील सामाजिक, सांस्कृतिक वातावरण सुदृढ व्हावे आणि या परिसरातील सांस्कृतिक वैभवात भर पडावी.या उद्देशाने प्रारंभ झालेल्या बळीराजा व्याख्यानालाचे हे 11 वे वर्ष आहे. शिव महोत्सव समिती आयोजित या वर्षीची व्याख्यानमाला अर्थात सांस्कृतिक व बौद्धिक दिवाळी दिनांक 11 व 12 ऑक्टोबर रोज शनिवार व रविवारला, सायंकाळी सात वाजता, बाजोरिया लॉन येथे आयोजित करण्यात आली आहे.
महाराष्ट्रातील नामवंत विचारवंतांना आमंत्रित करून लोकप्रबोधन करण्याची परंपरा शिव महोत्सव समितीने सुरू केली आहे. त्या परंपरेला अनुसरून यावर्षी या व्याख्यानमालेला न्यायपालिका क्षेत्रातील नामवंत व्यक्तिमत्व,मानवाधिकार कार्यकर्ते, जिल्हयाचे भुमिपुत्र तथा उच्च व सर्वोच्च न्यायालयात संविधान विश्लेषक म्हणून ख्यातनाम असलेले एडवोकेट असिम सरोदे संबोधित करणार आहेत.
व्याख्यानमालेचे पहिले पुष्प गुंफताना ॲड. असीम सरोदे यांनी शनिवारी संविधानाची प्रतिष्ठा व न्यायाचा प्रवास ” या विषयावर सखोल प्रबोधन केलं. तर दुसरे पुष्प सांबशिव नारायणराव देवडे यांना समर्पित असुन ” संविधानातील कर्तव्यांची जाणीव आणि विवेकशीरता ” या विषयावर आज रविवारी एड. सरोदे भाष्य करतील.
शिव महोत्सव समितीचे अध्यक्ष अनंत मांडवकर यांच्या अध्यक्षतेखाली आयोजित या व्याख्यानमालेत शहरातील मान्यवर अतिथी उपस्थित राहतील. दरवर्षीप्रमाणे यावर्षी सुद्धा या व्याख्यानाला समाज बांधवांनी उपस्थित राहून व्याख्यानाचा आस्वाद घ्यावा. असे आवाहन आयोजन समिती चे वतीने समितीचे उपाध्यक्ष प्रा.डॉ.करमसिंग राजपूत आणि निमंत्रक कृष्णदेव विधाते यांनी केले आहे.
