“एक पृथ्वी, एक आरोग्यासाठी योग” या संकल्पनेखाली वणी येथे आंतरराष्ट्रीय योग दिन सप्ताह आयोजित
वणी टाईम्स न्युज : राज्यातील आगामी स्थानिक स्वराज्य संस्थांच्या निवडणुकांच्या (Election) पार्श्वभूमीवर भारतीय जनता पक्षाने पक्ष संघटनेत महत्त्वाचे बदल केले आहेत. भाजपने 13 मे 2025 रोजी राज्यातील 58 नवीन जिल्हाध्यक्ष नियुक्तीची यादी जाहीर केली. यात यवतमाळ जिल्हा (पूर्व) चे जिल्हाध्यक्ष वणी येथील तारेंद्र गंगाधरराव बोर्डे यांच्या जागी प्रफुल चव्हाण यांना जिल्हाध्यक्ष पदाची जबाबदारी सोपविण्यात आली आहे.
तारेंद्र बोर्डे मागील 2 वर्षापासून भाजपचे जिल्हाध्यक्ष होते. मागील विधानसभा निवडणुकीत त्यांच्यावर वणी विधानसभा मतदार संघाचे भाजप उमेदवाराच्या विरोधात काम केल्याचं आरोप करण्यात आले. तारेंद्र बोर्डे जिल्हाध्यक्ष असताना 2024 च्या विधानसभा निवडणुकीत भाजपला यवतमाळ व वणी या दोन सीट गमवावी लागली. त्यामुळे बोर्डे यांची जिल्हाध्यक्ष पदावरून गच्छंती निश्चित मानली जात होती.
नवीन नियुक्ती ही पक्षात लोकतांत्रिक प्रक्रियेचा भाग
मागील दोन वर्षापासून यवतमाळ जिल्हाध्यक्ष पदाची जबाबदारी मी पूर्ण निष्ठेने पार पाडली. निवडणुकीत उमेदवाराचा विजय किंवा पराभव याच्याशी जिल्हाध्यक्ष नियुक्तीचा काही संबंध नाही. भारतीय जनता पक्षामध्ये पदाधिकाऱ्यांची निवड लोकतांत्रिक पद्धतीने केली जाते. त्या अनुषंगाने फक्त यवतमाळ जिल्ह्यातच नव्हे तर संपूर्ण राज्यात फक्त 3 ते 4 ठिकाणी सोडून सर्व जिल्ह्यात नवीन कार्यकर्त्यांना संधी देण्यात आली आहे. पक्ष मला जे काही जबाबदारी देईल ते मी निष्ठेने पार पाडणार.
तारेंद्र बोर्डे – माजी जिल्हाध्यक्ष (यवतमाळ भाजप)
आगामी निवडणुका लक्षात घेऊन फेरबदल
भारतीय जनता पार्टीमध्ये सर्व नियुक्त्या पारदर्शकपणे केली जाते. ज्या जिल्हाध्यक्षांचे कार्यकाळ संपले आहे त्या ठिकाणी नवीन कार्यकर्त्यांना संधी देण्यात आली आहे. जातीपातीच्या आधारे भाजप मध्ये पद वाटप केले जात नाही. पक्षाचे वरिष्ठ पातळीवरील नेत्यांकडून मतदार सर्वेक्षण आणि गोपनीय अहवालाच्या आधारे पदाधिकाऱ्यांच्या कामाचे मूल्यमापन करुन पदाची जबाबदारी देण्यात येते.
संजीवरेड्डी बोदकुरवार : माजी आमदार (वणी विधानसभा)
