वणी टाईम्स न्युज : येथील सिंधी कॉलनी भागात वास्तव्यास एका युवकाचा झोला गाव शेत शिवारात शनिवारी सायंकाळी मृतदेह आढळला. मतीन अकबर खान (35) असे मृत युवकाचा नाव आहे. मृतक हा दारु पिण्याच्या सवयीचा असून अती मद्य प्राशनमुळे मृत्यू झाल्याचा अंदाज पोलिसांनी वर्तविला आहे. घटनेबाबत मृतकाच्या आईने पोलीस ठाण्यात फिर्याद दाखल केली आहे.
फिर्यादी रफिया बी अकबर खान हिने नोंदविल्या फिर्यादप्रमाणे तिचा मोठा मुलगा 3 वर्षापूर्वी आजाराने मरण पावला तर एका वर्षापूर्वी पती अकबर खान यांचा मृत्यू झाला. ती आपल्या लहान मुलगा मतीन खान (35) सोबत राहून मोलमजुरी करून उदरनिर्वाह करीत आहे. मतीन हा दारू पिण्याच्या सवयीचा असून आईला न सांगता कुठेपण निघून जात होता. अशातच शनिवार 7 जून रोजी सायंकाळी झोला गाव शेत शिवारात त्याचा मृतदेह आढळला. घटनेबाबत पोलिसांनी मर्ग दाखल केला आहे.
