वणी टाईम्स न्युज : ट्रान्सपोर्ट कंपनीत नोकरीवर असलेल्या लालगुडा येथील इसमाचा दुचाकी अपघातात मृत्यू झाला. बुधवार 14 ऑगस्ट रोजी रात्री 9 वाजता दरम्यान वणी बायपास मार्गावर वडगाव रोड टी पॉइंटवर ही घटना घडली. बंडू नामदेव जोगी (45), रा. लालगुडा वणी असे या अपघात मृत व्यक्तीची नाव आहे.
फिर्यादी मुकेश सुरेश जोगी (34) रा. हिरानी ले आउट, लालगुडा यांनी दिलेल्या फिर्यादनुसार मृतक हा त्याचा काका असून ते लालपुलिया परिसरात एका ट्रान्सपोर्ट कंपनीत काम करीत होते. दिनांक 14 ऑगस्ट रोजी रात्री 9 वाजता सुमारास आपली ड्युटी करून आपल्या मोटारसायकल क्रमांक MH34BA2416 ने परत घराकडे येत होते. दरम्यान वडगाव रोड टी पॉइंट जवळ भरधाव वेगाने मोटारसायकल चालवून त्यांचा वाहनावरील ताबा सुटला आणि ते रस्त्यावर पडले.
गंभीर जखमी बंडू जोगी यांना सरकारी दवाखान्यात दाखल केलं असता डॉक्टरांनी त्याला मृत घोषित केले. मृतक बंडू जोगी हे भरधाव वेगाने आणि निष्काळजीपणे मोटरसायकल चालवून स्वतच्या मृत्यूस कारणीभूत असल्याची फिर्यादवरून पोलिसांनी मृतक बंडू नामदेव जोगी विरुद्ध कलम 106(1), 281 बीएनएस अन्वये गुन्हा दाखल केला आहे.
