वणी टाईम्स न्युज: चंद्रपूर, वणी, आर्णी लोकसभा क्षेत्राच्या खासदार प्रतिभा धानोरकर यांचे वणी येथे जनता दरबार कार्यक्रमाचे आयोजन करण्यात आले आहे. सोमवार दिनांक 12 जुलै रोजी दुपारी 12 ते 3 या कालावधीत साई मंदिर मागे, वरोरा रोड, वणी येथील जनसंपर्क कार्यालयात त्या प्रत्यक्ष भेटून जनतेच्या समस्या ऐकणार आहेत.
खा. प्रतिभा धानोरकर ह्या जनतेचे प्रश्न सोडवण्यासाठी सदैव कटिबद्ध आहेत. लोकसभेत विविध प्रश्नांच्या माध्यमातून त्यांनी जनतेचे प्रश्न मांडण्याचा प्रयत्न केला. लोकसभा क्षेत्रात देखील ते सदैव लोकांचे प्रश्न सोडविण्याचा प्रयत्न करीत असतात. त्याचाच एक भाग म्हणून जनता दरबाराचे आयोजन करण्यात आले आहे. यावेळी नागरिकांनी लेखी निवेदन घेऊन त्यावर मोबाईल क्रमांक टाकून उपस्थित राहण्याचे आवाहन धानोकर जनसंपर्क कार्यालयाद्वारे करण्यात आले आहे.
