वणी : अवैधरित्या विक्री करण्याकरिता घरात लपून ठेवलेला देसी दारूचा साठा स्थानिक गुन्हा शाखा पथकाने धाड टाकून जप्त केला. मारेगाव पोलीस स्टेशन हद्दीत सराटी गावात गुरुवार 14 डिसेंबर करण्यात आलेल्या या कारवाईत पोलिसांनी 46 हजार किमतीचे देसी दारूचे 14 कार्टून जप्त केले. अवैध दारू विक्रेता विवेक नरहरी नरांजे (39) याला अटक करून त्याचे विरुद्द गुन्हा दाखल करण्यात आला आहे.
गोपनीय माहितीवरून स्था. गुन्हा शाखा पथकाने सराटी गावातील विवेक नरांजे यांच्या घरावर छापा टाकला. नरांजे यांच्या घराच्या स्वयपाकघराच्या बाजूला असलेल्या खोलीत रुपेश संत्रा देसी दारू 180 मिली क्षमतेच्या बॉटलचे 14 बॉक्स आढळले. विवेक नरांजे यांनी सदर दारूसाठा गावात अवैधरित्या विक्रीसाठी ठेवून असल्याचे निष्पन्न झाल्यामुळे दारू बॉक्स जप्त करून आरोपी विरुद्ध मारेगाव पोलीस स्टेशनमध्ये दारूबंदी कायद्यान्वये गुन्हा दाखल करण्यात आला.
सदर कारवाई वरिष्ठ पोलीस अधिकाऱ्यांच्या मार्गदर्शनात स्थानिक गुन्हा शाखेचे सपोनि अतुल मोहनकर, सुनील खंडागळे. सुधीर पांडे, सुधीर पिदुरकर, रजनीकांत मडावी, सतीश फुके यांनी केली.
