वणी टाईम्स न्युज : महाराष्ट्रातील लाखों युवकांचे प्रेरणास्थान, कार्पोरेट ट्रेनर, युवा व्याख्याते, प्रखर विचारवंत, प्रबोधनकार, युवा कीर्तनकार सोपानदादा कनेरकर यांचे प्रबोधनपर व्याख्यानाचे आयोजन वणी येथिल शेतकरी मंदिर सभागृहात करण्यात आले आहे. 28 सप्टेंबर रोजी दुपारी 1 वाजता आयोजित या कार्यक्रमाचा युवक, युवती, विद्यार्थीवर्ग व पालकांनी लाभ घेण्याचा आवाहन सुप्रसिध्द समाजसेवक विजय चोरडिया यांनी केला आहे.
पारसमल प्रेमराज चोरडिया फाऊंडेशन यांचे सौजन्याने विजयबाबू चोरडिया यांनी सामाजिक दायित्वातून या जाहीर प्रबोधन कार्यक्रमाचा आयोजन केला आहे. या कार्यक्रमात ह.भ. प. सोपानदादा कनेरकर ‘युवकांच्या उज्वल भविष्याकरिता मार्गदर्शन व पालकांची भूमिका’ या विषयावर व्याख्यान देणार आहे. सोपानदादा कनेरकर यांची व्याख्यान देण्याची वेगळी शैली आहे. त्यामुळे त्यांच्या व्याख्यानात नेहमी गर्दी असते.
