वणी टाईम्स न्युज: येथील शिव आनंद व रॉयल फाऊंडेशन वणीच्या संयुक्त विद्यमाने लाठीकाठी, दांडपट्टा, तलवारबाजी, आदी मर्दानी खेळांचे प्रात्यक्षिके तसेच उन्हाळी शिबिराचे आयोजन करण्यात आले आहे. 1 मे पासुन सुरु हा शिबीर संपूर्ण वर्षभर चालणार असुन युवा तेजस्विनी गव्हाणे प्रशिक्षणाचे धडे देणार आहेत.
जगात महिला आणि मुलींवर अत्याचारात वाढ होत आहे. घराच्या बाहेर निघाल्यानंतर मुलगी सुखरूप परत येईल याची काळजी असते. येणाऱ्या संकटाचा सामना करण्यासाठी प्रत्येक मुली व महिलांमध्ये मर्दानी गुण असणे गरजेचे आहे. स्वतःचा बचाव करण्यासाठी मुली व महिलांच्या अंगात लाठीकाठी, तलवारबाजीचे गुण काळाची गरज आहे. हाच हेतू डोळ्यासमोर ठेवून या शिबिराचे आयोजन करण्यात येत आहे.
हा शिबिर मोफत असुन मर्दानी खेळाचे प्रशिक्षण एक महिला चिमुकली कु. तेजस्वीनी राजू गव्हाणे प्रशिक्षण देत आहे. शिबिरात दररोज 80 ते 90 विद्यार्थी स्वरक्षणाचे धडे गिरविणार आहे. येथील आदर्श हायस्कुलच्या प्रांगणात संध्याकाळी 4 ते 6 वाजेपर्यंत प्रशिक्षण देण्यात येत असून शिबिराचा मोठ्या प्रमाणात लाभ घ्यावा असे आवाहन आयोजकांनी केले आहे.
अधिक माहितीकरिता संपर्क करावा
राजु गव्हाणे : 9764253253
विजु गव्हाणे: 9822926480
