वणी टाईम्स न्युज : वणी विधानसभा मतदार संघात मनसेचे उमेदवार राजू उंबरकर यांनी आज शुक्रवार 25 ऑक्टोबर रोजी आपले उमेदवारी अर्ज दाखल केले. यावेळी जोरदार शक्ती प्रदर्शन करत विधानसभा क्षेत्रातील हजारों मनसे कार्यकर्ता त्यांच्या सोबत होते. उमेदवारी अर्ज दाखल करण्यापूर्वी येथील शासकीय मैदानातून ढोलताशांचा गजर व घोषणांसह शहरात विविध मार्गावर रैली काढण्यात आली. त्यानतंर नियमानुसार काही पदाधिकारी व अनुमोदक सह राजू उंबरकर यांनी सप्निक निवडणूक निर्णय अधिकारी व उप विभागीय अधिकारी डॉ. नितिन हिंगोले यांचे कार्यालयात जाऊन रीतसर उमेदवारी दाखल केली.
अर्ज दाखल केल्यानंतर पत्रकारांशी बोलताना राजू उंबरकर यांनी राज्यकर्त्यांच्या आत्मघाती धोरणामुळे शेतकरी, शेतमजूर व सर्व साधारण जनता त्रस्त झाली असून या निवडणुकीत मनसेचा विजय पक्का असल्याचा दावा केला. फक्त वणी विधानसभाच नव्हे तर सम्पूर्ण महाराष्ट्रात महाराष्ट्र नवनिर्माण सेनाचे उम्मीदवार विजयी होतील असा विश्वास राजू उंबरकर यांनी व्यक्त केला. यावेळी मोठ्या संख्येने वृत्तपत्र व मिडिया प्रतिनिधी उपस्थित होते.
