वणी टाईम्स न्युज: वणी विधानसभा मतदार संघात महाराष्ट्र नवनिर्माण सेनेचे अधिकृत उमेदवार राजू मधुकरराव उंबरकर यांच्या प्रचारार्थ मनसे प्रमुख राज ठाकरे मंगळवार 5 नोव्हेंबर रोजी वणीत येणार आहे. येथील शासकिय मैदानात पाण्याच्या टाकीजवळ या जंगी प्रचार सभेचे आयोजन करण्यात आले आहे. या सभेमध्ये राज ठाकरे यवतमाळ जिल्ह्यातील उमरखेड, राळेगाव, पुसद यांच्या सह विदर्भातील मनसे उमेदवारांचा प्रचार करणार आहेत. उमेदवार जाहीर करण्यापासून ते प्रचाराची सुरुवात करण्यापर्यंत मनसेने आघाडी कायम ठेवली आहे.
विधानसभा निवडणुकीच्या रणधुमाळीला सुरुवात झाली असुन सर्वच राजकीय पक्षांच्या नेत्यांच्या प्रचार तोफा राज्यात धडाडणार आहेत. यामध्ये सद्या मनसे अध्यक्ष राज ठाकरे यांनी आघाडी घेत विदर्भात पहिली प्रचार सभा वणी विधानसभा मतदार संघाचे मनसेचे अधिकृत उमेदवार राजू उंबरकर यांच्या प्रचारार्थ ठेवली आहे. या सभेत जिल्ह्यातील हजारों मनसे कार्यकर्ता उपस्थित राहणार आहे. वणी विधानसभा मतदार संघातील नागरिकांनी, माता भगिनींनी राज ठाकरे यांच्या सभेतजास्तीत जास्त संख्येने सहभागी व्हावे. असे आवाहन मनसे उमेदवार राजू उंबरकर यांनी केले आहे.
राजू उंबरकर यांचे आवाहन
