🇮🇳 वणीत उद्या 14 ऑगस्ट रोजी भव्य तिरंगा रॅली

वणी टाईम्स न्युज | सर्व सामान्य नागरिकांच्या मनात देशभक्तीची भावना वृद्धिंगत करण्यासाठी वणी शहरात दिनांक 14 ऑगस्ट 2025 रोजी सकाळी 9.30 वाजता ‘तिरंगा रॅली’चे आयोजन करण्यात आले आहे. कोणतेही राजकीय पक्षाचे बॅनर व झेंडे न लावता वणीकर नागरिकांच्या पुढाकाराने तिरंग्याखाली ही यात्रा निघणार आहेत.

रॅलीची सुरुवात शहरातील विश्राम गृहापासून होऊन छत्रपती शिवाजी महाराज चौक, खाती चौक, महात्मा गांधी चौक, गाडगे बाबा चौक, काठेड ऑईल मिल चौक, सर्वोदय चौक, रविंद्रनाथ टागोर चौक, डॉ. बाबासाहेब आंबेडकर चौक व लोकमान्य टिळक चौक असा या यात्रेचा मार्गक्रमण होईल. या पायी रॅलीत शहरातील सामाजिक संस्था, शैक्षणिक संस्थांचे विद्यार्थी-विद्यार्थिनी, तसेच विविध धार्मिक व सांस्कृतिक संघटनांचा सहभाग राहणार आहे.

आयोजकांनी वणी तालुक्यातील सर्व नागरिक व संस्थांना या रॅलीत सहभागी होण्याचे आवाहन केले आहे. या उपक्रमातून वणीकर नागरिक व तरुण पिढीमध्ये राष्ट्रप्रेमाची भावना रुजविण्याचा प्रयत्न असल्याचे आयोजकांनी सांगितले.