“एक पृथ्वी, एक आरोग्यासाठी योग” या संकल्पनेखाली वणी येथे आंतरराष्ट्रीय योग दिन सप्ताह आयोजित
वणी टाईम्स न्युज : नाल्यावर कपडे धूत असताना दुचाकीवर आलेल्या दोघांनी एका महिलेच्या गळ्यातून सोन्याचं मंगळसूत्र हिसकावून पळून गेल्याची घटना पाटण पोलीस स्टेशन अंतर्गत भिमनाळा येथे घडली. चोरट्यांनी महिलेच्या गळ्यातील चांदीचा गोफ काढण्याचा प्रयत्न करीत असताना महिलेने बाजूला ठेवलेला विळा हातात घेऊन एका चोरट्याच्या कपाळावर वार करून त्याला जखमी केला. त्यामुळे दोघे चोरटे मंगळसूत्र घेऊन दुचाकीवर शेत मार्गाने पळून गेले.
फिर्यादी सखुबाई सोनू टेकाम (55) रा. भिमनाळा, ता. झरीजामणी हिने पाटण पो. स्टे. मध्ये दिलेल्या तक्रारीनुसार ती गुरुवार 12 सप्टें. रोजी दुपारी शेत शिवारात नाल्यावर कपडे दुण्याकरिता गेली होती. नाल्यात कपडे धुत असताना 20 ते 25 वर्षाचे काळ्या रंगाचे टी शर्ट व निळ्या रंगाचा पेंट घातलेले 2 इसम दुचाकीवर आले. त्यापैकी एकाने तिला आजी माझा 20 हजाराचा मोबाईल पडला, तुम्हाला दिसला का ? असा प्रश्न विचारला.
फिर्यादी महिलेने मला नाही दिसला अस म्हणून कपडे धुण्यात व्यस्त झाली. तितक्यात त्या दोघांनी महिलेला मागून पकडुन तिच्या गळ्यातील 4 ग्राम सोन्याचे डोरले असलेले मंगळसूत्र किंमत 16 हजार बळजबरीने काढून घेतले. महिलेच्या गळ्यातून चांदीची गोफ काढण्याचा प्रयत्न करत असताना महिलेने बाजूला टोपलीत ठेवलेला विळा उचलून चोरट्यावर हल्ला चढविला. एका चोरट्याच्या डोक्यावर विळा लागल्याने तो जखमी झाला. आणि घाबरून दोघं शेताचे मार्गाने पळून गेले. घटनेबाबत फिर्यादी महिलेनी सायंकाळी पाटण पोलीस ठाण्यात फिर्याद नोंदविली. पोलिसांनी अज्ञात चोरट्या विरुद्ध कलम 3(5), 309(4) BNS नुसार गुन्हा दाखल केला आहे.
