वणी टाईम्स न्युज : शिरपूर पोलीस स्टेशन हद्दीत कुरई येथून शनिवारी घरून बेपत्ता इसमाचा गावालगत एका विहिरीत मृतदेह आढळला. अनील भाऊराव पाचभाई (48) रा.कुरई, ता. वणी असे मृत व्यक्तीची नाव आहे. अनिल हा शनिवार 10 ऑगस्ट रोजी पहाटे 5 वाजता कोणालाही न सांगता घरून निघून गेला होता.
कुटुंबीयांनी गावात तसेच ईतर ठिकाणी दिवसभर शोध घेतला असता अनिलचा काही पत्ता लागला नाही. अखेर कुटुंबीयांनी शिरपुर पोलीस स्टेशन गाठून अनिल बेपत्ता झाल्याची तक्रार नोंदविली. पोलिसांची तपास सुरु असताना रविवारी सकाळी गावालगत असलेल्या विहिरीत अनिलचा मृतदेह तरंगताना दिसून पडला.
पोलीसांनी गावकऱ्यांच्या मदतीने मृतदेह विहिरीतून बाहेर काढले. घटनास्थळ पंचनामा करून मृतदेह उत्तरीय तपासणीसाठी ग्रामीण रुग्णालय वणी येथे पाठविण्यात आले. शवविच्छेदन नंतर मृतदेह नातेवाईकांना सोपवण्यात आला. अनिल यांनी आत्महत्या केली किंवा त्याच्या सोबत काही घातपात घडला, याबाबत अधिक तपास शिरपूर पोलीस करीत आहे .
