ब्रेकिंग : दगड मारून तलाठ्याची कारचा काच फोडला

वणी टाईम्स न्युज : तालुक्यातील सावर्ला येथील तलाठी यांच्या कारचा अज्ञात इसमाने काच फोडला. विठ्ठलवाडी भागात त्यांच्या घरासमोर उभी कारचा काच फोडल्याने 30 हजाराचा नुकसान झाला आहे. फिर्यादी कुणाल निळकंठ आडे (35) रा. विठ्ठलवाडी वणी यांनी याबाबत अज्ञात आरोपी विरुद्ध पोलीस स्टेशनमध्ये तक्रार नोंदविली आहे.

फिर्यादी हे वणी महसूल विभाग अंतर सावर्ला साजाचे तलाठी आहेत. गणेशपुर येथील ड्रिमलँड सिटी येथे त्यांचे घर असून सद्य ते विठ्ठलवाडी येथे भाड्याने राहतात. त्यांच्याकडे टाटा पंच कार क्रमांक MH29-BV4662 असून नेहमीप्रमाण त्यांचे घराबाहेर कार उभी केली. रविवार 27 एप्रिलचे रात्री 1.30 ते 2 वाजता दरम्यान अज्ञात आरोपीने दगड मारून त्यांच्या कारचा समोरील काच फोडला. यात कारचा 30 हजार रुपयांचा नुकसान झाला. शेजारील घराचे सीसीटीव्ही कॅमेऱ्यात रात्री 1.40 वाजता दरम्यान दुचाकीवर आलेल्या दोन तरुणानी दगड मारून कारचे काच फोडताना दिसून पडले आहे.

फिर्यादी तलाठी कुणाल निळकंठ आडे यांनी वणी पोलीस ठाण्यात दिलेल्या तक्रारीवरून पोलिसांनी अज्ञात आरोपी विरुद्ध कलम 329(3), 125, 324(2), 3(4) BNS नुसार गुन्हा दाखल केला आहे. सीसीटिव्ही फुटेज मध्ये कैद आरोपी तरूणाची ओळख पटवून त्यांचे विरुद्ध कारवाई केली जाणार आहे.

रेती तस्करांचा हात असल्याचा संशय..!

महसूल विभागाने रेती तस्करांविरुद्ध कारवाईचा बडगा उगारला असून मागील काही दिवसात रेती तस्करी करताना अनेक वाहने महसूल पथकाने पकडली आहेत. महसूल अधिकाऱ्यांमध्ये भीती निर्माण करण्याच्या हेतूने रेती तस्करांनीच तलाठ्याची कारचा काच फोडला असावा असा संशय व्यक्त करण्यात येत आहे.