सुशील ओझा, झरी : अगदी एका वर्षांपूर्वी आपल्या प्रियकरासोबत प्रेम विवाह करून ती सासरी आली. काही महिन्यांनी तिच्या पोटात प्रेमाची कळी उमलली. दोन महिन्यांनी घरात नवीन पाहुणा येणार, याची सर्वांना आतुरता होती. सर्व काही आनंदी असताना तिने अचानक टोकाचा निर्णय घेतला. घरी कुणीच नसल्याची संधी साधत तिनं ओढणीच्या सहाय्याने गळफास घेऊन स्वतःचा आणि पोटातील बाळाचा आयुष्य संपविला.
मुकुटबन पोलीस स्टेशन हद्दीतील परसोडा गावात ही मन हेलावून टाकणारी घटना सोमवार 30 सप्टेंबर रोजी दुपारी 11 वाजता दरम्यान घडली. पायल गौरव उरकुडे (21) असे मृतक विवाहितेचा नाव आहे. पायल हिने एका वर्षापूर्वीच गौरव उरकुडे सोबत प्रेम विवाह केला होता. गौरव यांच्या घराचे बांधकाम सूरु असल्याने कुटुंबं समोरच एका घरात भाड्याने राहत आहे. सोमवारी सकाळी 11 वाजता दरम्यान घरी कुणीच नसताना पायल हिने ओढणीचा फासा बनवून गळफास घेतला.
घटनेची माहिती मिळताच मुकुटबन पोलिसांनी पंचनामा करून वणी ग्रामीण रुग्णालयात पोस्टमार्टम करुन मृतदेह कुटुंबीयांना सोपविला. पायल हिने आत्महत्येसारखा टोकाचं पाऊल का उचलला या बाबत अद्याप कोणतीही माहिती मिळू शकली नाही.
