वणी टाईम्स न्युज : विधानसभा निवडणुकांना अवघे 12 दिवस शिल्लक असून सर्वच उमेदवार प्रचार कामात व्यस्त झाले आहे. मात्र महाराष्ट्र नवनिर्माण सेनेने प्रचारात आघाडी घेतल्याचे दिसत आहे. मनसेचे पदाधिकारी व कार्यकर्ता घरोघरी फिरून मनसेचे अधिकृत उमेदवार राजू उंबरकर यांच्या कार्याची माहिती देत या निवडणूकीत मनसेला मत द्यावे असे आवाहन मतदारांना करत आहे.
वणी विधानसभा क्षेत्रातील वणी, झरी, मारेगाव तालुक्यातील सर्व गावात पक्षाचे पदाधिकारी जात असून महिला, युवक, शेतकरी, शेतमजुर, फुटपाथ व्यावसायिक, दुकानदार यांच्या भेटीगाठी घेत आहे. मतदारसंघांत राजू उंबरकर यांच्या मनसेचे “स्ट्राँग नेटवर्क” असून हे पदाधिकारी सकाळ पासून रात्री उशिरा पर्यंत मतदारांच्या भेटी घेऊन या निवडणूकीत आपलाच उमेदवार कसा सरस याची मांडणी करत आहे.
या आधारावर आपल्या उमेदवाराला इंजिन या चिन्हा समोरील बटन दाबून त्यांना प्रचंड बहुमताने विजयी करण्याचे आवाहन करण्यात येतं आहे. मनसेच्या या आवाहनाला मतदारांकडून उस्फुर्त प्रतिसाद मिळत असून या निवडणूकीत मनसेचीच हवा पाहायला मिळत आहे.
