वणी टाईम्स न्युज : दारुच्या नशेत रस्त्याच्या कडेला झोपलेल्या इसमाची दुचाकी अज्ञात चोरट्याने लंपास केली. वणी घुग्गुस मार्गावर चारगाव चौकी जवळ घटना 16 मे रोजी सकाळी 6 वाजता उघडकीस आली. फिर्यादी विलास नीलकंठ काळे, रा. चारगाव ता. वणी यांनी दुचाकी चोरी गेल्याची तक्रार शिरपूर पो. स्टे. मध्ये नोंदविली आहे.
फिर्यादी विलास काळे हा 15 में रोजी आपल्या भावाची स्प्लेंडर मोटरसायकल क्रं. MH29 -CD1937 घेऊन कामानिमित्त म्हैसदोडका येथे गेला होता. परत येताना दारुच्या नशेत असल्यामुळे रात्री 9.30 वाजता दरम्यान चारगाव चौकी जवळ दुचाकी उभी करून तो रस्त्याच्या बाजूलाच झोपला. दुसऱ्या दिवशी सकाळी झोप उघडली तेव्हा त्याला मोटरसायकल दिसून आली नाही.
