वणी टाईम्स न्युज: पटवारी कॉलोनी येथील एका बंद घरातून अज्ञात चोरट्याने एलईडी टिव्ही लंपास केला. फिर्यादी घरमालक लक्ष्मी अभयचंद जैन (55) ह.मु. हैद्राबाद हिने याबाबत वणी पोलीस स्टेशनमध्ये तक्रार नोंदविली आहे.
फिर्यादी महिला हिला 2 मुलं असून व्यवसाय निमित्त काही महिन्यापूर्वी ती हैद्राबाद येथे स्थायिक झाली. पटवारी कॉलोनी येथील तिच्या घराची अधूनमधून तिच्या मोठ्या भावाचा मुलगा येऊन पाहणी करीत होता. दिनांक 9 ऑगस्ट रोजी फिर्यादीचा मुलाच्या वणी येथील मित्राने फोन करून घरात चोरी झाल्याची माहिती दिली.
माहितीवरुन फिर्यादी लक्ष्मी जैन हिने मुलासह वणी येथे येऊन घराची पाहणी केली असता घरातील सर्व सामान अस्तव्यस्त फेकून असल्याचे दिसले. तसेच भीतीवर लावलेली इंटेक्स कंपनीची 43 इंच एलईडी टिव्ही किंमत 30 हजार ही गायब दिसली. चोरी बाबत फिर्यादी पोलीस दिलेल्या तक्रारीवरून पोलिसांनी अज्ञात आरोपीविरुद्ध कलम 331(3), 331(2), आणि 305 बीएनएस नुसार गुन्हा दाखल केलाआहे.
