वणी टाइम्स न्यूज : शेतातील गोठ्याच्या बाजूला उभा असलेल्या ट्रॅक्टरला अज्ञात इसमाने आग लावली. ट्रॅक्टर जळत असल्याचे लक्षात येताच गावकऱ्यांच्या मदतीने आग आटोक्यात आणली. मात्र शेतकर्‍याच्या 11 हजार 500 रूपयांचा नुकसान झाला. याबाबत परमडोह येथील शेतकरी कमलाकर बालाजी राजूरकर यांनी शिरपूर पोलिस ठाण्यात तक्रार नोंदविली आहे.
फिर्यादी यांचे परमडोह येथे शेती असून त्यांनी शेती मशागतीसाठी दहा महिन्यापूर्वी जॉन डियर कंपनीचा ट्रॅक्टर घेतला होता. दिनांक 28 एप्रिल रोजी रात्रीच्या दरम्यान कुणीतरी अज्ञात इसमाने फिर्यादी यांचे शेतात उभ्या असलेल्या ट्रॅक्टरला आग लावली. यात ट्रॅक्टरच मागील टायर, डिझल टॅंक, सायलेंसर, इंडिकेटर जळून शेतकर्‍याचा 11 हजार 500 रूपयांचा नुकसान झाला. शिरपूर पोलिसांनी अज्ञात व्यक्तीविरुद्ध गुन्हा दाखल केला आहे.
