वणी टाईम्स न्युज : वणी ते कायर मार्गावर साईलीला नगरी समोर भीषण अपघात घडला. एका अज्ञात वाहनाने दुचाकीला जोरदार धडक दिल्याने दुचाकीस्वार जागीच ठार झाला.अपघात इतका भीषण होता की दुचाकीस्वाराचा चेहऱ्याचा चेंदामेंदा झाला. ही घटना आज सकाळी 7.30 वाजता दरम्यान घडली. अपघात घडल्यानंतर वाहन चालक वाहनासह घटनास्थळावरून फरार झाला.
घटनेची माहिती मिळताच वणी पोलीस व वाहतूक पोलिस कर्मचारी घटनास्थळी दाखल झाले. मृतक हा वणीतील सेवानगर येथील रहिवासी असल्याचे कळते. पोलिसांनी पंचनामा करुन मृतदेह ग्रामीण रुग्णालयात पाठविले आहे. तर फरार वाहनाचा शोध घेण्याचे काम सुरु आहे. पुढील तपास वणी पोलीस करत आहेत.
