वणी टाईम्स न्युज : पत्नीसोबत दुचाकीवर जात असलेले शेतकरी नेते देवराव धांडे यांच्या दुचाकीला ब्राह्मणी फाटा येथे अपघात झाला. त्यांच्या दुचाकीने उभ्या असलेल्या एका कारला मागून धडक दिली. यात देवराव धांडे हे रस्त्याचे बाजूला पडले तर दुचाकीवर मागे बसलेली त्यांची पत्नी मालन देवराव धांडे ह्या रस्त्यावर पडली. दरम्यान निळापूर मार्गे येणाऱ्या कोळशाचा ट्रक मालन धांडे हिच्या अंगावरून गेला. त्यामुळे तिचा जागीच मृत्यू झाला. वणी घुग्गुस मार्गावर निळापूर ब्राह्मणी फाटा येथे सोमवारी सायंकाळी 6 वाजता दरम्यान हा भीषण अपघात घडला.
अपघाताची माहिती होताच पोलिसांनी घटनास्थळी धाव घेऊन जखमी देवराव धांडे यांना रुग्णालयात पाठविले. मात्र परिस्थिती गंभीर असल्याने त्यांना चंद्रपूर येथे रेफर करण्यात आल्याची माहिती आहे. दुचाकीला धडक देऊन कोळसा भरलेला ट्रक चालकाने घटना स्थळावरून पळ काढला. मात्र टोल नाक्या जवळ त्याला पकडण्यात आल्याची माहिती आहे.
अधिक माहिती मिळताच बातमी अपडेट केली जाईल
