वणी टाईम्स न्युज : भारतीय जनता पार्टीचे राज्य कार्यकारणी सदस्य तथा सामाजिक कार्यकर्ता विजय चोरडिया विधानसभा क्षेत्रातील विविध गावात जाऊन गणेश मंडळांना भेटी देत आहे. वणी तालुक्यातील बाबापुर येथील नवसाला पावणाऱ्या प्रसिद्ध गणपतीचे दर्शन घेतल्यानंतर त्यांनी मुकुटबन, झरी, दुर्भा आणि सतपल्ली येथील गणेश मंडळाला भेट दिली.
ज्या गणपती मंडळ ठिकाणी विजय चोरडिया यांनी भेटी दिल्या तेथील मंडळाच्या सदस्यांनी व गावकऱ्यांनी विजय चोरडिया यांचे ढोल ताशाच्या गजरात स्वागत आणि सत्कार केला. वणी विधानसभा क्षेत्रातील गावा गावात जाऊन गणेश मंडळांना भेटी देऊन गणेश दर्शन करणार असल्याचा विजय चोरडिया यांचा मानस आहे.
