वणी : यवतमाळ मार्गावर नंदिनी बार जवळ उभी केलेली मोटरसायकल अज्ञात चोरट्यांनी भरदिवसा लंपास केली. फिर्यादी आशिष अशोक देठे (27) रा. जैन ले ऑउट वणी यांच्या तक्रारीवरून पोलिसांनी अज्ञात आरोपीविरुद्ध गुन्हा दाखल केला आहे.
फिर्यादी हा नंदिनी बार मालक कुलदीप जयस्वाल यांच्याकडे खाजगी चालक म्हणून काम करतो. सोमवार 8 जानेवारी रोजी दुपारी 1 वाजता आशिष यांनी आपल्या वडिलांच्या नावावर असलेली पॅशन प्रो मोटरसायकल क्रमांक MH29AF8378 नंदिनी बारच्या बाजूला खुल्या जागेवर उभी करून कामानिमित्त नांदेपेरा येथे गेला होता. नांदेपेरा येथून दुपारी 4 वाजता परत येऊन मोटरसायकल उभी केलेल्या ठिकाणी गेला असता मोटरसायकल दिसून पडली नाही.
आजूबाजूला शोध घेऊन ही मोटरसायकल मिळून आली नाही. त्यामुळे फिर्यादी यांनी वणी पोलीस स्टेशनमध्ये अशोक बालाजी देठे यांच्या नावाने असलेली पॅशन प्रो मोटरसायकल क्रमांक MH29 AF 8378 कुणीतरी अज्ञात चोरट्यांनी लंपास केल्याची तक्रार दाखल केली. पोलिसांनी अज्ञात आरोपीविरुद्द कलम 379 नुसार गुन्हा दाखल केला आहे.
