वणी : वर्धा नदी पात्रातून विना परवाना अवैधरित्या रेती उत्खनन करून वाहतूक करताना ट्रॅक्टर शिरपूर पोलिसांनी पकडला. भालर वसाहत ते उकणी मार्गावर ही कार्यवाही शुक्रवार 12 एप्रिल रोजी करण्यात आली. पोलिसांनी नंबर प्लेट नसलेला महिंद्रा कंपनीचा ट्रॅक्टर व ट्रॉली किंमत 3 लाख 50 हजार तसेच 1 ब्रास रेती किंमत 4 हजार असा एकूण 3 लाख 54 हजाराचा मुद्देमाल जप्त केला.
ट्रॅक्टर चालक विक्रम देवराव मंगाम (38) रा. बोरगाव, ता. वणी विरुद्ध पर्यावरण संरक्षण अधिनियम कलम 15, महाराष्ट्र जमीन महसूल अधिनियम कलम 48 (7) तसेच आयपीसी कलम 379 नुसार गुन्हा दाखल करण्यात आला आहे. सदर कार्यवाही ठाणेदार API माधव शिंदे, हेड कॉन्स्टेबल सुनील दुबे, कॉन्स्टेबल निलेश भुसे यांनी केली.
