वणी टाईम्स न्युज : भारतीय जनता पार्टीचे राज्य कार्यकारणी सदस्य तथा सामाजिक कार्यकर्ते विजय चोरडिया यांच्या वाढदिवसानिमित्त वणी विधानसभा क्षेत्रातील खैरगाव भेदी येथे एक दिवसीय भव्य कबड्डीचे सामने आयोजित करण्यात आले. खैरगाव ग्रामवासी व नीड संस्थेद्वारे आयोजित या सामन्यांचे उद्घाटन विजय चोरडिया यांच्या हस्ते करण्यात आले.
खैरगाव परिसरातील 22 गावातील खेळाडूंनी या कबड्डी सामन्यांमध्ये सहभाग नोंदविला. कब्बडी सामन्यात प्रथम विजेत्या संघाला 10 हजार, द्वितीय 8 हजार, तृतीय पारितोषिक 6 हजार आणि चतुर्थ विजेत्याला 4 हजार रुपये पुरस्कार स्वरूप देण्यात आले. सामन्यात सहभागी प्रत्येक कबड्डी संघाला प्रोत्साहन पर बक्षीस आणि स्मृतीचिन्ह देण्यात आले
यावेळी खैरगाव ग्रामस्थांनी विजय चोरडिया यांचे पारंपरिक पद्धतीने औक्षवंत करून आपुलकीने वाढदिवस साजरा केला. कबड्डी सामन्यात मंचावर विजय चोरडिया, खैरगावचे सरपंच तुळशीराम कुमरे, नीड संस्थाचे अध्यक्ष तुळशीराम आत्राम, शंकर लालसरे, प्रशांत नांदे, राजू धावंजेवार, सागर मुने, प्रतिभा तातेड यासह मान्यवर उपस्थित होते.
