वणी टाईम्स न्युज: येथील प्रेस वेलफेअर असोसिएशनची नवी कार्यकारिणी जाहीर करण्यात आली असून अध्यक्षपदी अनिल बिलोरिया तर सचिवपदी सागर बोढे यांची सर्वानुमते निवड करण्यात आली आहे.
ही निवड प्रक्रिया वणी येथील नगर वाचनालयात आयोजित करण्यात आलेल्या सर्वसाधारण बैठकीत पार पडली. बैठकीस असोसिएशनचे सदस्य मोठ्या संख्येने उपस्थित होते. उपस्थित सदस्यांच्या एकमताने नवीन कार्यकारिणीची निवड करण्यात आली.
नवीन कार्यकारिणीत उपाध्यक्षपदी रमेश तांबे, सहसचिवपदी जितेंद्र डाबरे, कोषाध्यक्षपदी तुषार अतकारे यांची निवड करण्यात आली आहे. तसेच कार्यकारिणी सदस्य म्हणून गजानन कासावर, विनोद ताजने, रवी बेलूरकर, डॉ. किशोर चवणे, मंगल तेलंग आणि असिफ शेख यांची नियुक्ती करण्यात आली आहे.
या निवडणूक प्रक्रियेचे कामकाज निवडणूक निर्णय अधिकारी म्हणून दीपक नवले यांनी पाहिले. नवनिर्वाचित पदाधिकाऱ्यांचे सर्व स्तरातून अभिनंदन होत असून, प्रेस वेलफेअर असोसिएशनच्या माध्यमातून पत्रकारांच्या विविध प्रश्नांना न्याय मिळेल, अशी अपेक्षा व्यक्त केली जात आहे.
