वणी टाईम्स न्युज | यवतमाळ जिल्ह्यातील वणी शहरातील शेवाळकर परिसरात असलेल्या Reliance Smart Super Store येथे ग्राहकांची फसवणूक होत असल्याच्या अनेक तक्रारी समोर येत आहेत. स्थानिक ग्राहकांनी दिलेल्या माहितीनुसार, खरेदीदरम्यान विविध प्रकारे अधिक पैसे आकारले जात असल्याचा आरोप करण्यात येत आहे.
📌 काय आहेत प्रमुख तक्रारी?
किंमत टॅग व बिलामध्ये फरक
√ वस्तूंवर कमी किंमत दर्शविली जाते; मात्र बिल तयार करताना त्याच वस्तूंवर जास्त दर आकारला जातो.
√ “Buy 1 Get 1 Free” ऑफरमध्ये फसवणूक
√ ऑफरच्या नावाखाली वस्तूंची मूळ किंमत बाजारभावाच्या दुप्पट प्रिंट करून ग्राहकांची दिशाभूल केली जाते.
√ ग्राहकांना न कळत बिलात अतिरिक्त वस्तू किंवा शुल्क जोडले जात असल्याच्या तक्रारी आहेत.
आक्षेप घेतल्यास वादाची परिस्थिती
एखाद्या वस्तूची किंमत बाबत आक्षेप घेतल्यास सुपर बाजारातील सर्व कर्मचारी एकत्र येऊन ग्राहकांशी वाद घालत असल्याची तक्रारी ही समोर आल्या आहेत.
⚠️ ग्राहकांसाठी महत्त्वाचे आवाहन
ग्राहकांनी खरेदी करताना पुढील बाबींची काळजी घ्यावी:
√ बिल घेताना प्रत्येक वस्तूची किंमत तपासा
√ ऑफर (Buy 1 Get 1) वस्तूंचा वास्तविक बाजारभाव जाणून घ्या
√ बिल प्रिंट होण्यापूर्वी स्क्रीनवरील रक्कम पडताळा
√ चुकी आढळल्यास त्वरित लेखी तक्रार नोंदवा
🗣️ प्रशासनाने घ्यावी दखल
रिलायन्स स्मार्ट सुपर बाजारात घडत असलेल्या या प्रकारामुळे ग्राहकांमध्ये नाराजी पसरली असून संबंधित प्रशासन व ग्राहक संरक्षण विभागाने या प्रकरणाची चौकशी करून आवश्यक कारवाई करावी, अशी मागणी स्थानिकांकडून केली जात आहे.
👉 ऑफरला बळी पडू नये:
सुपरमार्केटमध्ये खरेदी करताना केवळ ऑफर्सवर विश्वास न ठेवता सावध राहणे गरजेचे आहे. जागरूक ग्राहकच अशा फसवणुकीपासून स्वतःचे संरक्षण करू शकतो.
