वणी टाईम्स न्युज : गेल्या 45 दिवसांपासून प्रयागराज येथे सुरू महाकुंभ मेळाव्याची 26 फेब्रुवारी रोजी सांगता झाली. 144 वर्षात एकदा येणाऱ्या या महाकुंभ मेळाव्यात जगभरातील 60 कोटीच्यावर भाविकांनी त्रिवेणी संगमावर स्नानाचा लाभ घेतलेला आहे. अनेक राजकीय नेते, सेलिब्रिटी यांनी महाकुंभ मेळाव्यात हजेरी लावली.
महाकुंभ मेळाव्याच्या शेवटच्या दिवशी वणी विधानसभा मतदार संघाचे माजी आमदार संजीवरेड्डी बोदकुरवार यांनीही अर्धांगिनी ललिता बोदकुरवार सोबत गंगा स्नानाचा लाभ घेतला. यावेळी महाराष्ट्र राज्याचे आदिवासी विकास मंत्री डॉ. अशोक उईके कुटुंबासह संजीवरेड्डी बोदकुरवार सोबत उपस्थित होते.
सनातन एकतेचे प्रतिक, दर्शन आणि आस्थेचा संगम म्हणजे महाकुंभच्या दिव्य सोहळ्याच्या धरतीवर तिर्थराज प्रयागराज मध्ये गंगा, यमुना, सरस्वती या पवित्र नद्यांच्या त्रिवेणी संगमावर सपत्नीक स्नान करण्याचा सौभाग्य मिळाला.144 वर्षानंतर होणाऱ्या महाकुंभाचा हा उत्सव सर्वांसाठी मंगलमय ठरो, हीच प्रार्थना..!
संजीवरेड्डी बोदकुरवार, माजी आमदार
