वणी टाईम्स न्युज : येत्या 2 डिसेंबर रोजी होणाऱ्या नगर परिषद निवडणुकीत भारतीय जनता पक्षाने शहरातील सर्वच 14 प्रभागांत आघाडीची स्थिती निर्माण केली असून पक्षाच्या उमेदवारांना नागरिकांकडून व्यापक जनसमर्थन मिळत आहे. नियोजनबद्ध प्रचारयोजना, संघटित कार्यपद्धती आणि नेतृत्वाचे मार्गदर्शन याच्या बळावर भाजपने आपल्या विजयाची जोरदार लाट उभी केली आहे. वणी नगर परिषदेवर भाजप बहुमताने सत्ता स्थापन करणार असा दावा माजी आमदार संजीवरेड्डी बोदकुरवार यांनी केला आहे.
माजी आमदार संजीवरेड्डी बोदकुरवार यांच्या नेतृत्वाखाली पदाधिकारी, कार्यकर्ते आणि स्वयंसेवकांचा संघ घराघरांत जाऊन मतदारांशी प्रत्यक्ष संपर्क साधत आहे. प्रभागनिहाय आखलेल्या रणनीतीमुळे भाजपचा प्रचार अधिक प्रभावी ठरत असून सर्व स्तरातून उमेदवारांना अनुकूल वातावरण मिळत आहे.
स्थानिक विकास, पायाभूत सुविधा, स्वच्छता, पाणीपुरवठा तसेच शहरातील प्रलंबित प्रश्न सोडविण्यासाठी भाजप सक्षम पर्याय ठरेल, असा विश्वास नागरिक व्यक्त करीत आहेत. प्रचारफेरीदरम्यान उमेदवारांना मिळणारा प्रतिसाद पाहता वणी नगर परिषदेवर भाजप बहुमताने सत्ता स्थापन करेल, असा ठाम अंदाज राजकीय वर्तुळात व्यक्त केला जात आहे.
शिस्तबद्ध संघटना, कार्यकर्त्यांची निष्ठा आणि नागरिकांचा उत्स्फूर्त सहभाग यामुळे भाजपची लढत अधिक भक्कम बनली असून निवडणुकीत पक्ष निर्णायक आघाडी घेईल, अशी व्यापक चर्चा शहरात सुरू आहे.
