वणी टाईम्स न्युज : दिनांक 17 सप्टेंबर ते 2 ऑक्टोबर सेवा पंधरवाडा निमित्त भारतीय जनता पार्टी वणी विधानसभा व विनोबा भावे ग्रामीण रुग्णालय, सावंगी (मेघे) यांच्या संयुक्त विद्यमाने वणी येथील लायन्स इंग्लिश मिडीयम स्कूल नांदेपेरा रोड वणी मध्ये दिनांक 22 सप्टेंबर रविवारला निःशुल्क भव्य आरोग्य शिबीराचे आयोजन करण्यात आले आहे. या शिबिरात सर्व रोगावर निदान व उपचार करण्यात येणार आहे. शिबीर स्थळावर सकाळी 10 ते 3 वाजेपर्यंत मोफत नोंदणी होणार आहे. अशी माहिती आमदार संजीवरेड्डी बोदकुरवार यांनी दिली.
या आरोग्य शिबिरात पुढील रक्तदाब, ब्लड शुगर, बरेच दिवसाचा ताप, किडनीचे आजार, हृदयरोग, अशक्तपणा, वारंवार चक्कर येणे, जुनाट हृदयरोग, छातीत दुखणे, धाप लागणे, छातीत धडधड करणे इत्यादी आजाराची तपासणी व उपचार केल्या जाईल. भरती रुग्णांना सर्व सामान्य चाचण्या उदा. (एक्स-रे, रक्त, लघवी चाचणी, सोनोग्राफी) महिलांच्या ब्रेस्ट कॅन्सरची तपासणी केली जाईल.
डोळ्यांचे सर्व आजार, मोतियाबिंदू शस्त्रक्रिया, तिरळेपणा, हायड्रोसिल, हर्निया, अंगावरील गाठी, आतड्याचे आजार, मुतखड्याचे आजार, पोटाचे आजार, गलगंड (थायरॉईड), मासिक पाळीचे आजार, पांढरे पाणी जाणे, महिलांचे आजार, हृदयाला छिद्र असणे, मतिमंद, मुलांच्या विकासासंबंधी आजार तसेच कुपोषण, लहान मुलांचे सर्व आजार, कान, नाक घश्याचे सर्व आजार, संधिवात, मणक्यात असणारी गॅप, वाकलेले पाय, फॅक्चर तसेच हाडांचे सर्व आजार, खाज, गजकरण, अंगावरील पांढरे डाग, त्वचेचे विविध आजार, दमा, बरेच दिवसाचा खोकला, तोंडावाटे पडणारे रक्ताचे ठसे इत्यादी आजारावर मोफत तज्ञ डॉक्टरांकडून निःशुल्क तपासणी व उपचार होणार आहे.
